Историски книги
Илинденското востание
Илинденското востание(07) Авторот ги анализира причините поради кои, според него, бил попречуван успехот на Илинденското востание. Хаџи Димов ги пишувал овие страници од македонската историја, од македонската судбина во тоа време, со надеж и со сопствена визија како треба да се оди напред во разрешувањето на македонското прашање со сите негови аспекти. Илинденското востание е еден голем историски факт од историјата на македонските револуционерни борби. Или како што ќе забележи авторот: За секој Македонец Илинденското востание претставува дел од неговиот живот – до таа мера тоа е поврзано со неговото сеќавање и со неговата душа. Едноставно, Илинденското востание е дефинирано како востание со чисто народен карактер, како величествен израз на сенародниот македонски копнеж за борба и слобода.
Историја на Александар Велики Македонски
Историја на Александар Велики Македонски(13) Напишана од непознат автор, преведена од Христо П. Василев Протопопович и публикувана во Букурешт во 1867 година. Во оваа нова публикација за прв пат објавена на македонски јазик се следи херојскиот освојувачки живопис на еден од најголемите освојувачи во светската историја македонскиот крал – Александар III Македонски. Во публикацијата за прв пат пред македонската читателска публика и на македонски јазик се нуди оваа интересно дело.
Историја на грчко-турскиот сојуз против ВМРО
Историја на грчко-турскиот сојуз против ВМРО(05) Рефератот на Динев всушност е една историја на сојузување на две институционализирани сили кои со меѓусебна поддршка воделе борба против Внатрешната македонска организација и историја на нивните интереси, едната (турската) да си ја зачува власта на територијата на Македонија, а другата (грчката) да си ги реализира своите пропагандни цели на истата оваа територија и да се наметне со своето влијание.
Авторот го започнува рефератот со констатацијата дека народот којшто води борба за слобода е должен да ја познава сопствената историја, да ги знае фактите од кои е составена. Македонскиот народ има своја историја и таа му вдахнува вера за утрешниот ден.
Историја на македонско-одринските доброволци – Том 1
Историја на македонско-одринските доброволци – Том 1(43) Првиот том е поврзан со основањето на Македонско-одринското ополчение – Доброволство во 1912 и 1913 година и нивната дејност во текот на Првата балканска војна.
Македонската читателска публика ќе се здобие со извонредна монографија целосно посветена на Првата балканска војна, пишувана врз основа на автентични изворни материјали од прва рака. Во студијата Дарвингов поместил бројни документи, одделни во вид на факсимили, писма, фотографии, заповеди, скици и слична фактографија. Со тоа, несомнено дека публикувањето на македонски јазик на првата студија на Петар Дарвингов „Историја на Македонско-одринските доброволства“, ќе претставува прекрасен прилог кон бугарската, а уште повеќе за македонската историски наука, особено корисна за воените историографи.
Историја на македонско-одринските доброволци Том II
Историја на македонско-одринските доброволци Том II(67) Дел I + Дел II
Полковникот Петар Дарвингов во својство на началник на Штабот на Македонско-одринските доброволци или ополченски дружини 15 на број, во публикацијата во вториот том од „Историјата на Македонско-одринските доброволци“ изворно ни ги прикажува настаните поврзани со Втората балканска војна. Таа војна е позната и како Меѓусојузничка војна, затоа што довчерашните балкански сојузници се испокарале меѓу себе за нова прераспределба на македонски територии. Така довчерашните сојузници се прегрупирале, меѓу себе се испокарале, што овозможило да се создаде нова антибугарска коалиција. По Лондонскиот мировен договор, бугарската армија, меѓу нив и македонските над 15.000 доброволци, организирани во 15 ополченски-доброволни дружини, односно три бригади откако го напуштиле Одринско забрзано пристигнуваат во источниот дел на Македонија.
Историја на револуционерно дело во Македонија – Прилепско
Историја на револуционерно дело во Македонија – Прилепско(60) Георги Трајчев преставува значаен извор за историјата на одделни македонски региони, за манастирите и старините во Македонија, а сепак најповеќе за неговиот роден град Прилеп со околината, односно во Прилепско.
Публикацијата започнува со прикажување на ослободителните напори и движење во Прилеп, особено во Прилепско од средината на втората половина на XIX век. Сето тоа поврзано со желбата и идејата за послободен политичко-демократски живот Георги Трајчев ги регистрирал и првите револуционерни елементи во Прилеп и Прилепско, како што биле прилепските доброволци (ополченци) во Руско-турската војна.
Историски пакет – 1+2
Историски пакет – 1+2Историски пакет – 1+2
И по толку години од нивното издавање, овие две дела на Џидров сè уште се актуелни и ден денес со тематиките кои ги обработуваат.
- Единството во македонското движење – Петар Џидров
- Проблемот за Македонија – Петар Џидров
Историски пакет – 13+20
Историски пакет – 13+20Историски пакет – 13+20
Прочитајте повеќе за херојскиот освојувачки живопис на еден од најголемите освојувачи во светската историја – Александар Велики и смелиот став на Кондов, „Народот ќе востане – корупката на угнетувањето ќе пукне, ќе експлодира како вулкан!“ во Борбата на Македонецот.
- Историја на Александар Велики Македонски – Непознат
- Борбата на Македонецот – Константин Кондов
Клучот на македонската револуција
Клучот на македонската револуција(11) Во „Клучот на македонската револуција“ и покрај логичниот резон и револуционерното истапување, авторот Петар Стојков го подржува бугарскиот државен национализам (ширење на политичките граници) и е за присоединување на Македонија кон Кнежевството Бугарија.
Следејќи ја содржината од методолошки аспект, историскиот наратив го следи хронолошкиот принцип. Оваа книга може да претставува дополнителен извор за проучување на историјата на македонското ослободително дело од крајот на XIX век.
Кон балканската федерација
Кон балканската федерација(46) Наспроти тоа што би се очекувало од еден приказ пишуван во духот на комунистичката идеологија, објавен во 1914 година, текстот е интересен. Излагањето започнува со синтеза на модерната историја на Балканот, а македонското прашање е третирано како интегрален дел на балканската историја. Во духот на комунистичката идеологија, авторот вина за сложената состојба во регионот бара во капиталистичките кругови, од балканските како и од европските земји.
Крушево и неговите борби за слобода
Крушево и неговите борби за слобода(50) Историографската книга „Крушево и неговите борби за слобода“ од Никола Киров-Мајски претставува едно од првите поцелосни истории за ова древно и непокорно гратче и неодминлив и неисцрпен извор за сите проучувачи на Илинденскиот револуционерен чин. Во неа тој дава едно реално видување, во вид на кратка историја, на политичките борби на Крушево до Илинденското востание, со посебен осврт на Илинденската револуција и на нејзините херојски епски борби како највисок дострел на револуционерните напори и обиди на македонскиот народ за слобода и создавање на своја сопствена држава. Иако мала по обем, таа претставува прва историја на Крушево и значајно сведоштво за македонската илинденска голгота. Всушност оваа книга претставува историја на политичките борби на народот од овој крај за конечно ослободување од неподносливото турско ропство, како и од духовните и политичките влијанија од соседните држави на Балканот.
Македонија и копнежот за слобода
Македонија и копнежот за слобода(28) Книгата „Македонија и нејзиниот копнеж за слобода“ претставува краток географско-историски преглед на Македонија. Во оваа смисла, во текстот има повеќе наслови кои се однесуваат на името и географскиот опфат на Македонија, на нејзината клима, на водните и рудните богатства, сообраќајната инфраструктура, стопанските можности, населението, суштината на македонското прашање, политичката судбина на Македонија во конкретното време итн. Шалдев пишува со конкретна мисла, неговата лична определба, но и субјективниот став, доминираат во текстот.
Македонија и македонските Бугари
Македонија и македонските Бугари(27) Книгата е напишана со едноставен јазик, а историскиот наратив го следи хронолошкиот принцип. Оваа книга ја препорачуваме пред сè на студентите по историја, како четиво од првите децении на XX век, кое може и треба да се анализира и разработува со современи историски принципи, техники и методи. На тој начин се гради и култивира вештината за дебатирање, полемизирање, говорништво. Накратко, тоа е вистинскиот начин на кој се јакне научната димензија на историјата.
Македонија и македонското прашање
Македонија и македонското прашање(26) Доколку читателот кога ќе ја чита оваа новопубликувана книга на македонски јазик може уште на самиот почетокот да се ослободи од асимилаторските стремежи на авторот Иван Стојанов во врска со бугаризирањето на Македонија, тогаш ќе може со уживање да ја совладува основната содржина на книгата и да осознае доста интересни настани од македонската национална историја од антика па до крајот на Првата светска војна.
Македонија и нејзините претенденти
Македонија и нејзините претенденти(30) Димитар А. Спиров објавил текст структурно и идејно карактеристичен за XIX век. Обидувајќи се да го зајакне искажаниот став, тој се повикува на „историски аргументи“ (средновековната политичка традиција на пр.), со што би обезбедил легитимитет за временско првенство на бугарската „голема идеја“ во идеолошкиот натпревар со реалните соперници, српската и грчката, во однос на Македонија. Сите историски митови, ликови и процеси тој ги вреднува според нивниот придонес кон остварувањето на националниот идеал – санстефанските прелиминарни граници. Овој наратив (во голема мера искривен) требал да биде во функција на изградба на национално (бугарско) единство, но и да се поведат луѓето против разните стварни и божемни внатрешни и надворешни непријатели, во конкретното историско време.
