Shop
Слободата и тиранијата во Македонија
Слободата и тиранијата во Македонија(51) Авторот ги истакнува славните подвизи на македонските комити и нивната одлучност никогаш да не потклекнат пред помоќниот непријател. Прави паралели со состојбите во Османлиската Империја и е убеден дека одлучноста за пркос кон новите владетели е присутна и тлее кај секој Македонец. Истиот тој пркос е присутен во секоја битка, во секој облик на отпор кон актуелната распределба на македонската земја, кон секој оној кој се обидува да ги направи Македонците тоа што не се.
Смртта во Рим
Смртта во РимДелото на извонреден начин успева да ги прикаже историските случки поврзани со Холокаустот, конфликтите меѓу различните генерации, но и чувството на вина, тага и жал, претворени во тишина кога треба да се зборува за минатото.
Главните ликови на некој начин го прикажуваат лицето на Германија, уморно, повредено, тажно, виновно после огромното крвопролевање и тешката војна од која никој не излегува како победник.
Сомничавиот кадија
Сомничавиот кадијаВремето на раскажуваната приказна во романот е лоцирано на втората половина од седумнаесеттиот век. Ова временска рамка, авторот, ја кажува индиректно (по смртта на Паскал, периодот на Луј Четиринаесетти, и др.). Точките врз кои се преплетува настанот, кодовите над кои се раслојува семантичкото значење, над кои се преклопуваат и се откриваат приложените рефлекси се: грабежот на Анамата на Субашата од гратчето (претставник на отоманската власт во имагинарниот албански град), пештерите и легендите за пештерата, ѕидовите на една градба која оди кон завршетокот и останува на половина пат…
Спомени
Спомени(70) Секој човек е приказна за себе, но приказна и за другите. Приказната продолжува да живее кога ќе биде раскажана, кога ќе биде запишана, а особено откако таа ќе биде објавена. Андон Лазов Јанев – Ќосето, покрај тоа што е приказна за себе, во исто време е дел од големата приказна за македонската револуционерна борба од крајот на XIX и почетокот на XX век.
Спомените, поради своите недостатоци, често се неотпорни на критиката, меѓутоа, од друга страна, тие имаат и свои предности бидејќи содржат информации кои не може да ги замени ниту еден друг извор.
Српскиот режим и револуционерната борба во Македонија
Српскиот режим и револуционерната борба во Македонија(49) Книгата на К. Прличев е една од најдокументарните изворни сведоштва за српските злосторства во Македонија за време на Балканските војни и првите години од Првата светска војна. Изнесените податоци, списоци и потресните фотографии говорат за геноцидот и невидените злосторства на кој бил подложен македонскиот народ од страна на новите ослободители поробувачи. Македонскиот народ во овој период доживеал огромни погроми, масовни егзодуси, со напуштање на родните огништа, опожарување на огромен број села, невиден терор, колежи, срамни обесчестувања и најразлични опустошувања и злосторства.
Стабат матер
Стабат матерСесилија, виолинистка, одвај јаде и не може да спие од немирот кој секоја ноќ се спушта над нејзиниот кревет. Токму затоа таа ги поминува ноќите во еден таен дел од сиропиталиштето, до кој знае да дојде дури и со затворени очи, пишувајќи ѝ писма на својата мајка, која никогаш не ја запознала. Музиката е единственото нешто кое може да и ја понуди толку потребната утеха. За неа музиката е насекаде, во крикот на птиците, во дувањето на ветрот, во звукот на гондолите кои пловат низ безбројните канали на Венеција… но најмногу внатре во неа, во нејзината душа. Доаѓањето на новиот учител по виолина и композитор, Антонио Вивалди, ќе ја натера да размислува за нешта кои никогаш претходно не ги ни помислила. Таа ќе биде неговата а тој нејзина инспирација. Негова за да го создаде делото по кое ќе остане запомнет засекогаш, а нејзина за да го направи најхрабриот избор во нејзиниот живот и да тргне во авантура кон непознатото.
Страдањата на 323 македонски заточеници во Дијар Бекир: 1903-1904
Страдањата на 323 македонски заточеници во Дијар Бекир: 1903-1904(24) Книгата зборува за страдањата на македонските заточеници и за маченичкото чекорење по ирационалните далечини. Таа е пишувана со едноставен јазик Се спомнуваат многу индивидуи – обични, имени и безимени, нивните постапки, мотиви, болки и страдања.
Судска психологија со психопатологија
Судска психологија со психопатологијаДелото од формален аспект е поделено на два структурни дела, судска психологија и психопатологија кои ја прават функционалната целина. Делото првенствено е наменето за судиите, обвинителите, истражителите, полициските службеници, вработените во центрите за социјална работа и пошироката јавност.
Татковци и деца
Татковци и децаАвторот, со леснотија и мајсторство, ја слика феудална Русија, со поетски реализам и имагинација, ја регистрира и ја овековечува руската периферија, отфрлените и не многу среќните луѓе.
Во своите новели ги опишува необичните и интересни типови на руските селани, кои се природно способни и надарени, а во романите, кои се означени и дефинирани како романи на карактерите, го сецира и го анализира општествениот развој на Русија. Притоа, прикажани се најкарактеристичните претставници на руските интелектуалци, нивниот развиток, судбината и односот кон општествената проблематика.
Телекомуникации и бизнис стратегија
Телекомуникации и бизнис стратегијаТелекомуникации и бизнис стратегија е книга којашто мора да ја прочита секој што цели кон тоа накратко да се запознае со индустријата на телекомуникациите од бизнис и економска перспектива. Гершон црпи од своето 30-годишно академско искуство во областа на индустријата, со цел да му овозможи на читателот многубројни ажурирани информации, увиди и студии на случај. Јас топло ја препорачувам оваа книга на секој којшто држи курсеви по телекомуникациски менаџмент.
Теорија на уметноста: Историски вовед
Теорија на уметноста: Историски воведТеорија на уметноста, второ издание е уникатно истражување на западната мисла за уметноста од антички времиња до денес. Ова луцидно и живо четиво кое ги зајакна потребите на читателот и студентите почетници, се состои од шест глави кои ги покриваат главните периоди од историјата на западната историја на уметноста: Антиката и Средниот век, Раниот модерен период (Ренесанса и Барок), Просветителството, Деветнаесеттиот век, Модернизмот од почетокот на дваесеттиот век и Постмодернизмот.
Трагедии
ТрагедииТрагедијата што ја исполнува целта (состав на собитија кои ја донесуваат вистината за падот од среќа во несреќа, поради грешка) се обидува, што е можно посовршено, да ја поддражува стварноста разбрана како природа и материјалност. Низ процесот на поддражување се пресоздаваат законите на устројството на природното и се насетува обликот и идеалот зад него.
И покрај релативно малиот број првонаградени дела за време на неговиот живот (4 од 92 дела), Еврипид бил најпрочуениот и најомилен трагичен поет на своето време и на вековите од Антиката, што следат по неговата смрт.
Трите судски процеси: Прага-Табор-Виена-Милано
Трите судски процеси: Прага-Табор-Виена-Милано(42) Трите судски процеси претставуваат „три болни моменти од македонската борба“ по Првата светска војна, кога ВМРО „во своето дејствување против денешното ропство беше принудена да одделува време и да прави дополнителни напори за да го ограничи дејствувањето било на предавници во своите редови, било на други одговорни лица, кои водени од лични побуди, се поставиле во служба на поробувачите на Македонија“.
Тројанско слепило (родољубиви и други инакви песни)
Тројанско слепило (родољубиви и други инакви песни)Тројанско слепило од нашиот истакнат поет, прозаист и писател Милован Стефановски е вистински настан во нашата понова поезија. Од поодамна не сме имале толку моќна, силна, импресивна поетска објава, која на поезијата й ја враќа примордијалната сила: да биде пред сè преименување на светот, односно, преку тоа преименување да учествува во растајнување на загатките и „темните“ места во историјата на еден колективитет кој го обединуваат исти национални архетипови, митови и симболи. Темата е – што НЕ знаеме за татковината и со што би можело тоа незнаење, тоа темно место да се исполни семантички како поезија?
Туѓи писма
Туѓи писмаНапишан во 1968 година, а за првпат издаден во 1997 година, скоро триесет години подоцна.
Доколку романот излегол во печат во периодот кога е создаден, секако ќе завршел неславно. Во тоа време ќе го осуделе како „идеолошки пресврт“ и „клеветничка невистина“.
Денес, повеќето гледаат на приказната како носталгија за она доброто што некогаш живеело во душата на луѓето и покрај сите парализирачки надворешни околности.
Со читање на романот се навраќаме на шеесеттите и седумдесеттите години. По неколку прочитани страници, се добива впечаток дека приказната содржи премногу детали.
Но, тоа е само стилската алатка на Александар Морозов.
