Домашни автори
Дон Кихот меѓу Албанците
Дон Кихот меѓу Албанците…делото доби и нови прерогативи, стана непреодна парадигма за многу народи во различни времиња, но истовремено стана голема лекција и со универзално, психолошко и морално значење. Овој роман и ден денес зрачи со својата актуелност и виртуелната драматичност.
Али Алиу ќе заклучи: „Книжевноста останува непокорниот чувар на човековата меморија во прилог на зачувување на својот идентитет“. Без сомнение овде некаде е фокусиран и лајтмотивот на книгата: со клучот на Сервантес да се отворат влезните врати во душата на оставената енигма на албанството.
Драми (избор)
Драми (избор)Малкумина се оние албански писатели од Македонија кои се испробале и на најспецифичниот и доста комплексен книжевен род. Сепак, со текот на времето, по оние кои традиционално пишувале конвенционални текстови, во седумдесеттите години на површината се појави една нова плејада творци кои со своите творби донесоа нови естетски вредности. Кога говориме за албанската драма во Македонија, тогаш ова се поврзува со имиња, како што се: Муртеза Пеза, Неџат Мустафа, Ќемал Ајдини, Ресул Шабани, Џабир Ахмети, Реџеп Златку, Халил Зендели, Пунторие Муча Зиба, Авни Халими и др.
Естетските и структуралните особености на македонските народни носии
Естетските и структуралните особености на македонските народни носииПредмет на проучување во овој труд се естетско-структуралните особености на македонските народни носии со посебен акцент на мијачката носија и анализа на творештвото на македонските модни дизајнери кои имаат креирано модни колекции и модели инспирирани од македонската традиционална облека. Во оваа докторска дисертација под наслов „Естетските и структурални особености на македонските народни носии, со посебен осврт на мијачката носија и нивните трансформации во современиот моден дизајн“ се систематизираат интердисциплинарните методи на истражување, започнувајќи со истражувања од областа на етнологијата, ликовната уметност и применетата уметност, преку теоријата на модата и модниот дизајн. Во воведниот дел се објаснети методолошките одредници, дадена е дескрипција на македонските народни носии, кои се основа за анализата на современата македонска мода и модни дизајнери кои креираат модни колекции инспирирани од традиционалната облека од Македонија. Економскиот и дизајнерски сегмент за создавање на етно колекции со инспирација од македонските народни носии го затвора ова научно истражување како последна поента за заживување и обновување на македонски текстилен бренд.
Живата соба
Живата соба„Во живата соба се одиграни бескрајно многу улоги, донесени се во „овде и сега“ безброј моменти од минатото, во исто време ги содржи копнежите, визиите и желбите за подобро утро кое почнува од сегашниот момент.“
Животни бранови
Животни бранови„Прозниот избор го именувавме Dallgët e jetës („Бранови на животот“), според симболиката на содржината на расказите и фрагментите на романите, кои ќе ни раскажуваат како нашите предци пливале спроти брановите на животот, како храбро и јуначки ги совладувале или надминувале за да дојдат до потивки рамнини со повеќе правда, убавина и човечка љубов. Нема да патуваме пред вас по патеките на патот бидејќи сум сигурен дека тоа вие ќе го направите подобро и поубаво.“ (избор раскази за деца)
За твојот среќен ден
За твојот среќен ден„Овој избор поезија го крстивме според една истоимена песна на поетот, Мехмедали Хоџа: Paç ditë të mbarë („За твојот среќен ден“) и поради тоа што читањето на книга е, покрај другото, еден вид убаво патување, впрочем како што е животот на детето и човечкиот живот воопшто. Посакуваме од срце многу читатели на книгите во училишните библиотеки, библиотеките во населбите и градовите, родители, наставници… страниците на оваа книга да ги придружуваат во пријатни и интересни патувања и освежувања.“
Задгробен разум
Задгробен разумКористејќи го своето богато дипломатско искуство и способност за аналитички просудби, Петровски овој пат, во романот Задгробен разум, главно се фокусира на судбинските настани по периодот што го живееме од осамостојувањето на македонсата држава. Слично како и во претходните негови романи, акцентот е ставен на пресудните теми за современоста исполнета со жестоки предизвици и трауми, делби и омрази, коишто оставаат длабоки траги во свеста на обичниот човек и во колективната меморија.
Зборник на трудови презентирани на конференција „Живата соба“
Зборник на трудови презентирани на конференција „Живата соба“
Избрани раскази
Избрани расказиИзбор на раскази од авторите: Шукру Рамо, Мустафа Карахасан, Суреја Јусуф, Махмут Киратли, Фахри Каја, Реџеп Бугарич, Ѓулер Селим, Авни Енѓулу, Авни Абдулах, Мустафа Јашар, Алаетин Тахир, Суат Енѓулу и Енвер Илјас.
Избрани раскази
Избрани расказиПо избор и редакција на Халил Зендели, во оваа збирка раскази, претставени се осум автори на раскази: Шкелзен Халими, Халил Зендели, Шазим Мехмети, Авни Халими, Хајрула Мисини, Хајри Шаќири, Бурханедин Џемаили и Бејтуш Мехмети.
Индиго
ИндигоСликовити, полни животни искуства куси раскази, да речеме Чеховски економични, оти со малку раскажуваат многу, цел еден тридецениски транзициски период кој како индиго ја отсликува душата на младоста. Секоја приказна е роман на единката, негова хронологија од раното детство до зрелоста, четврт век неизвесност.
Имињата на ликовите се многу повеќе од симболични, тие се исцртани карактери на типични ликови од транзицијата, како и насловите на приказните од чиј микрокосмос се чита макрокосмосот на планетарните милениумски промени, кои го голтаат човештвото како Бермудски триаголник. Во збирката раскази собран е шмекот на скопските кафулиња, збиралишта на добронамерни и злонамерни, пркосни и пакосни скопски и белосветски фаци, низ чии судбини се преплетува нишката на љубовта, единственото нешто кое светот го прави убаво место за живеење.
Татјана Алексиќ
Килибарно монисто
Килибарно монистоМилован Стефановски го одбрал најтешкиот образец на раскажување: со малку зборови и нивна лесна проточност, да ни каже многу. Или да ни го раскаже и она што можеби нам веќе ни било познато, но да ни го раскаже така како никогаш дотогаш да не сме го знаеле.
Книжевна критика
Книжевна критикаВо ова издание, избор на книжевна критика, се опфатени пет автори: Џеват Гега, Махмут Хиса, Лулјета Исаку, Зеќирија Незири, Мирлинда Крифца и Африм Реџепи, кои повремено, или во континуитет ја практикуваа ова гранка на книжевната наука кај нас.
Ковчеже со книжни бисери- Мудри мисли на сто современи македонски писатели во избор на Милован Стефановски
Ковчеже со книжни бисери- Мудри мисли на сто современи македонски писатели во избор на Милован СтефановскиВо ова Ковчеже со книжни бисери има рамно сто современи македонски писатели со вкупно преку триста мудри мисли. Основната идеја беше на читателите да им се понуди екстракт на продуховената и чиста мисла забележана од перото на нашите мајстори на пишаниот збор. Овде сакам посебно да нагласам дека не станува збор за никаква антологија на мудри мисли на македонските писатели, туку едноставно субјективен избор направен од страна на нивен колега. Повеќе од сигурно е дека има и други автори во чии дела има убави мудри мисли кои заслужуваат да најдат место во една ваква селекција, но, за жал, од најразлични причини јас не сум можел да допрам до нив! Се надевам дека овој мој обид ќе поттикне и други составувачи на кои ќе им успее не само да го надополнат ваквиот избор туку и да го збогатат.
Милован Стефановски
