Shop
Букет песни
Букет песниВо книжевноста на турските творци во Македонија најмногу може да се сретнат песните. Ова не е случајно. Од целата турска книжевност, уште на почетокот најголемо место и внимание им се посветило на песните. Исто така, најголем дел од усните книжевни дела ги сочинуваат песните. Во сите книжевни епохи значајно место заземаат песните. Ако појдеме од овој факт можеме да воочиме дека турските творци во Македонија почнуваат со песни во нивното творештво. Преку ова се гледа традицијата која се пренесува илјадници години. После песните, многу значајни биле и кратките раскази. Првите обиди за пишување романи започнуваат во подоцнежни години.
Букет песни за деца
Букет песни за децаГлавни теми се општествените настани. Големо влијание за ваквата определба е доминацијата на овие теми во текот на првите години по завршување на Втората светска војна. Станува збор за теми од окупацијата, а потоа од изградбата на разурнатата земја. Во оваа книга се поместени творби од млади турски писатели.
Поместените творби во споменатиот избор сведочат за почетокот на една нова малцинска книжевност. Првите турски писатели во Македонија ги користат плодовите на слободниот живот и преродба.
Буниште од емоции
Буниште од емоцииСè во животот е сместено меѓу две крајности, две дуалности, меѓу две „лепчиња“ кои ја спојуваат душата, емоцијата, чувството, но и опипливото, дофатливото. Главните ликови во книгата „Буниште од емоции“, Том и Венис, во своето двомесечно интензивно човеково доживување, ги минуваат сите Сцили и Харибди на љубовта, но не доволно вешто за да минат на повисокото ниво на восхитување. Љубовта е таа која ги раздвојува нивните Души, кои како Сонце и Месечина постојано го креираат нивното животно патешествие. Но, тоа не е крај. Тие си ветуваат дека постојано ќе останат во комуникација на енергетско ниво. Дали физички ќе бидат (за)едно, ќе покаже времето изразено во човекова димензија.
Буниште од емоции (ebook)
Буниште од емоции (ebook)Сè во животот е сместено меѓу две крајности, две дуалности, меѓу две „лепчиња“ кои ја спојуваат душата, емоцијата, чувството, но и опипливото, дофатливото. Главните ликови во книгата „Буниште од емоции“, Том и Венис, во своето двомесечно интензивно човеково доживување, ги минуваат сите Сцили и Харибди на љубовта, но не доволно вешто за да минат на повисокото ниво на восхитување. Љубовта е таа која ги раздвојува нивните Души, кои како Сонце и Месечина постојано го креираат нивното животно патешествие. Но, тоа не е крај. Тие си ветуваат дека постојано ќе останат во комуникација на енергетско ниво. Дали физички ќе бидат (за)едно, ќе покаже времето изразено во човекова димензија.
Васил Чакаларов
Васил Чакаларов(08) Македонија даде многу борци и херои, но таа нема многу Чакаларовци – запишал авторот на ова дело, Христо Силјанов. Тоа е повеќе од доволно за да се констатира дека можноста да го наслика карактерот, животниот пат и главните одлики на ликот на Васил Чакаларов покажува голема блискост меѓу нив двајца и силен карактер кој оставил длабок впечаток кај авторот.
Претставата за маркантната личност на македонскиот војвода, револуционер и деец Васил Чакаларов не би била комплетна без оваа биографија запишана од Христо Силјанов, негов соборец и близок пријател.
Величествените Амберсонови
Величествените АмберсоновиПочесното семејство е најпросперитетното и најмоќното во малото гратче. Младиот Џорџ Амберсон Минафер, син на патријархот, е ужасно разгален од неговата мајка Изабел. Израснувајќи во арогантна личност, сигурен во своето богатство и позиција, и целосно незапознаен со животите на другите луѓе, Џорџ се вљубува во Луси Морган, млада, но чувствителна дебитантка. Постои долга историја меѓу мајката на Џорџ и таткото на Луси, за која Џорџ не знае. Како што гратчето прераснува во голем град, индустријата цвета, престижот и богатството на Амберсонови се намалува, а Морганови, благодарение на претпазливиот татко на Луси, стануваат сè попросперитетни. Кога Џорџ ќе ги саботира сè поголемите чувства на неговата мајка, кон таткото на Луси, животот, каков што го познава, престанува да постои.
Вистината за кризата на ВМРО
Вистината за кризата на ВМРО(77) Книгата „Вистината за кризата во ВМРО“ е напишана со загрижувачки тон за состојбите во ВМРО, со алармантни апели за прекинувања на меѓусебните убиства во редовите на Организацијата, со предупредувања за иднината на Организацијата и губењето на нејзиниот авторитет во странство и со приведување на бројни документи, факти и факсимили. На ваков начин, книгата ја презентира историска вистина за еден период од развојот на ВМРО, со единствена цел да послужи како поука на грешките што можат да влијаат на судбината на Организацијата.
Вистината за Македонија
Вистината за Македонија(56) Во публикацијата се поместени бројни објавени статии, писма, телеграми, и слични написи во одделни весници посветени на македонското прашање. Во центарот на вниманието во публикацијата е Македонија и македонското прашање. Во бројните написи и статии во рускиот печат, пишувани главно од бугарските автори, тие од петни жили се труделе Македонија и Македонците да ги претстават за Бугари.
Владата на Стамболиски и македонското ослободително движење
Владата на Стамболиски и македонското ослободително движење(21) Книгата „Владата на Стамболиски и македонското ослободително движење“ е објавена во Софија во 1923 година од Централниот комитет на Внатрешната македонска револуционерна организација (ВМРО), по иницијатива на членот на ЦК на ВМРО, Тодор Александров. Книгата е објавена со цел раководството на ВМРО да ја разобличи политиката на бугарската земјоделска влада на Александар Стамболиски кон ВМРО, предавничката дејност на Македонската федеративна револуционерна организација и грабежите и разбојништвата на одделни федералистички војводи-отцепници од Организацијата врз македонското население во Вардарска Македонија.
Во земјата на солзите
Во земјата на солзите(69) Тоа се раскази, како што во Предговорот вели издавачот на збирката, „пишувани со молив и на колено и, можеби, често прекинувани од ненадеен поход, оставени и продолжувани по удар на лут бран“ коишто немаат „претензии на строга стилизација“. А за авторот на збирката, Панчо Михајлов, издавачот ќе напише: „Пред нас е една душа, напоена со толку жед за слобода, со толку жар за борба, со толку љубов кон угнетените и со таква подготвеност за саможртвување… тоа е исповед на душа, секогаш подготвена да опростува, прочистена и просветена, врховно причестие на животот“ на „посветениот борец за слобода на Македонија“. Расказите на авторот ја откриваат „длабочината“ на неговата исповед, „личната интимна беседа“ на овој македонски револуционер и поет.
Војна за ослободување на Македонија
Војна за ослободување на Македонија(54) Книгата е посветена целосно на причините, целта, текот и последиците кои произлегле од Балканските војни од 1912 до 1913 година, но погледнато низ вообичаената призма на бугарската историографија да се прикажува за бугарско сè што е македонско.
Првиот дел е посветен на настаните што се случувале во предвоениот период, потоа на причините и целта од создавањето на Балканскиот сојуз на 17 септември 1912 година, со најголема елаборација на воените дејствија во текот на Првата балканска војна (1912-1913).
Вториот дел е посветен на Втората балканска војна, која се водела цел еден месец во крајот на пролетта и почетокот на летото 1913 година на македонска територија и за нова прераспределба и распарчување на Македонија.
Вонземјанинот од наше маало
Вонземјанинот од наше маалоВо една неверојатна авантура, бегајќи од машините пратени да ја заробат, ќе го открие своето супериорно потекло. Одличен научно-фантастичен роман за деца што ќе им ја разгори фантазијата кај вашите најмили, притоа поттикнувајќи ја и креативноста.
Востанички дејствија
Востанички дејствија(72) Христо Матов го компонирал трудот во четири глави, поделени на поглавја. Покрај разработката на прашањата за организација на дејствијата, задачите на четите, начинот на дејствување, проблемот со храна и муниција, прашањето – што со ненаоружаното население, жените и децата?, посебно го подвлекува прашањето за планот на востаничките дејствија. Аналитички ги изложува причините за потребата да се остават началниците (револуционерните раководители) слободни, сами да решаваат според времето потребите и според можностите. Заслужува да се подвлече и неговото гледање на прашањето „да има или да нема востание“.
Години на кртот
Години на кртотРоманот претставува потрага, вознемирувачка внатрешна самопотрага, по неговото село, по луѓето од тоа село, по неговиот креативен свет. Во оваа потрага и во хаотичната внатрешна самопотрага претставена е празнотијата на светот, празнина која го исфрла од рамнотежа постоењето на селото кое ги покажува неартикулираните однесувања, дејствата, желбите, соништата, радостите, тагите и болките на селаните. Таа е агресивна, регулаторна празнина чијшто извор не го знае никој, ниту, пак, ја знае нејзината цел; таа е поттикнувач кој се исфрла себеси некогаш како див бран, а некогаш како неочекуван одлив кој се оддалечува во една внатрешна изолација само за уште еднаш повторно да се распрсне, како и секогаш.
Госпоѓа Даловеј
Госпоѓа ДаловејНевозможно е, речиси, да се читаат делата на Вирџинија Вулф, а да не се земе предвид периодот во кој тие биле напишани. Тоа било време на разни немири и промени, предизвикани од Првата светска војна, кои, пак, се одразиле на целото општество. Како резултат на тоа, востановениот начин на живот почнал да се распаѓа. Не само што почнале да се менуваат политичките гледишта туку тоа се одразило и на односите меѓу луѓето, зашто општествениот ранг почнал да станува помалку важен.
„Госпоѓа Даловеј“ може да се смета и за еден вид психолошко-терапевтско растоварување и вентил, визија и студија на сјајот и бедата на човечката душа и ум, внимателно расплетување на човечката свест и потсвест, доживување на себе и светот околу себе. Токму овие одлики ја сочинуваат вредноста на овој роман на Вирџинија Вулф.
